「靚屍整香水」 ^Featured

繼鱈魚被發現其實係魷……唔係，油魚之後，香水都出事。 講嘅係《香水——一個殺人者的故事》。 癲狂男主角，專殺索女，再用條屍嚟整香水，整出嚟嘅香水，仲係催情聖藥，聞者統統發癲。 有睇過《血鑽》都知，鑽石嘅背後又係好多條人命，鶽家香水又話係用人造出嚟，咁以後送乜嘢ɚ女？送兩手「中移動」？ 投 資超過5億港元嘅德國歷史上最貴電影《香水》，唔好以為係名牌香水有份贊助嘅行貨商業片，其實係超暢銷同名小說嘅電影版，主角天生嗅覺超人一等，係造香水 學徒，勁到隔幾條街嘅味都聞到，但佢對香味嘅偏執，竟促使佢為製造天下第一香嘅香水而殺人，而且專殺靚女，用佢哋嘅身體嚟造香水 曹宏威：冇可能 戲中嘅「人體香水」有神奇力量，唔好話搽咗，就連聞到都會出事，主角原本犯眾憎，臨俾人處決嘅時候，只係搽咗少少「人體香水」，劊子手即刻跪地原諒佢，其他人當佢係神咁拜，仲全部人忍唔住除晒衫就地交歡，故事仲話佢呢支香水有能力控制他人，連皇帝聞咗都要讓位。

用 人嚟造香水？係人都知做戲咁做。雖然有研究發現動物有吸引異性的味道存在，但中大生化系客席教授曹宏威就話人體本身根本唔會有特別嘅香味：「女人嘅氣味同 男人唯一不同之處，就係女人有乳腺，不過唔係香味，而係羶味。」咁會唔會有戲中嘅超級催情香水？曹博士就話，其實直至目前為止科學家都未發明到任何真正嘅 催情藥：「睇戲啫，聽故唔好駁故喇。」 。

曹宏威回應:在人來說,性激素(pheromone)未能確定.